---
title: " സ്വതന്ത്ര ജുഡീഷ്യറിയെ സംരക്ഷിക്കണം; കേന്ദ്ര സര്‍ക്കാര്‍ നടപടിക്കെതിരെ ശക്തമായ ചെറുത്തുനില്‍പ്പ് ഉയരണമെന്ന് ലോയേഴ്സ് യൂണിയന്‍"
english_title: "Protect Independent Judiciary AILU Kozhikode District Conference Resolution Against Central Government"
publisher: "perambranews.in"
canonical_url: "https://perambra.truevisionnews.com/news/383764/ protect-independent-judiciary-ailu-kozhikode-district-conference-resolution"
published_at: "2026-09-22T10:38:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab20dd23efda_yui.JPG"
keywords: ["AILU", "Lawyers Union", "Independent Judiciary", "AILU Conference", "POSH Act"]
---

#  സ്വതന്ത്ര ജുഡീഷ്യറിയെ സംരക്ഷിക്കണം; കേന്ദ്ര സര്‍ക്കാര്‍ നടപടിക്കെതിരെ ശക്തമായ ചെറുത്തുനില്‍പ്പ് ഉയരണമെന്ന് ലോയേഴ്സ് യൂണിയന്‍

> **Lead Summary:** കോഴിക്കോട്: ഭരണഘടനാ വിരുദ്ധമായ നിയമനിര്‍മ്മാണത്തിലൂടെ ഭരണഘടനാ മൂല്യങ്ങള്‍ തകര്‍ക്കുകയും സ്വതന്ത്ര ജുഡീഷ്യറി എന്ന സങ്കല്‍പ്പത്തിന്റെ കടയ്ക്കല്‍ കത്തിവെക്കുകയും ചെയ്യുന്ന കേന്ദ്ര സര്‍ക്കാര്‍ നടപടിയില്‍ ശക്തമായ ചെറുത്തുനില്‍പ്പ് ഉയരണമെന്ന് ലോയേഴ്‌സ് യൂണിയന്‍ (എഐഎല്‍യു) കോഴിക്കോട് ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു.

## Article Content

കോഴിക്കോട്: ഭരണഘടനാ വിരുദ്ധമായ നിയമനിര്‍മ്മാണത്തിലൂടെ ഭരണഘടനാ മൂല്യങ്ങള്‍ തകര്‍ക്കുകയും സ്വതന്ത്ര ജുഡീഷ്യറി എന്ന സങ്കല്‍പ്പത്തിന്റെ കടയ്ക്കല്‍ കത്തിവെക്കുകയും ചെയ്യുന്ന കേന്ദ്ര സര്‍ക്കാര്‍ നടപടിയില്‍ ശക്തമായ ചെറുത്തുനില്‍പ്പ് ഉയരണമെന്ന് ലോയേഴ്‌സ് യൂണിയന്‍ (എഐഎല്‍യു) കോഴിക്കോട് ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു.

പോഷ് ആക്ടിന്റെ പരിധിയില്‍ അഭിഭാഷക വൃത്തിയെ ഉള്‍പ്പെടുത്തി കോര്‍ട്ട് സെന്ററുകളില്‍ ഇന്റേണല്‍ കമ്മിറ്റികള്‍ രൂപീകരിക്കണമെന്നും സമ്മേളനം ആവശ്യപ്പെട്ടു. സ്വതന്ത്ര ജുഡീഷ്യറിയെ സംരക്ഷിക്കേണ്ടതിന്റെ ആവശ്യകത യോഗം ചര്‍ച്ച ചെയ്തു. സമ്മേളനം യൂണിയന്‍ സംസ്ഥാന സെക്രട്ടറി അഡ്വ. എന്‍.സി മോഹനന്‍ ഉദ്ഘാടനം ചെയ്തു. ഭരണഘടനാ മൂല്യങ്ങള്‍ സംരക്ഷിക്കേണ്ടതിന്റെ പ്രാധാന്യത്തെക്കുറിച്ച് അദ്ദേഹം ചൂണ്ടിക്കാട്ടി. സംസ്ഥാന കമ്മിറ്റി അംഗം വിനോദ് ചമ്പാടന്‍ സംഘടനാ റിപ്പോര്‍ട്ട് അവതരിപ്പിച്ചു.

അഡ്വ. വിനോദ് കയനത്ത്, അഡ്വ. കെ.ജി സന്തോഷ് കുമാര്‍ എന്നിവര്‍ ചടങ്ങില്‍ സംസാരിച്ചു. പുതിയ ഭാരവാഹികളായി അഡ്വ. എം.കെ ദിനേശന്‍ പ്രസിഡന്റും അഡ്വ. ജോജു സിറിയക് സെക്രട്ടറിയും അഡ്വ. സ്മിത ഇ ട്രഷററുമായി തെരഞ്ഞെടുക്കപ്പെട്ടു. സമ്മേളനത്തില്‍ നിരവധി അഭിഭാഷകര്‍ പങ്കെടുത്തു.

### Related Links & Sources
- [Original Story Source](https://perambra.truevisionnews.com/news/383764/ protect-independent-judiciary-ailu-kozhikode-district-conference-resolution)